Mujhe Paisa Kamana Hai – Lekin Kaise Kamau Internet Se?

Mujhe Paisa Kamana Hai – Ye hai Mere Sawaal

Mai bhi Online Internet se paise kamana chahta hu, lekin kya mai kama paunga? Maine bahut se logon se suna hai ki Internet pe kaam karke paise kamaye ja sakte hai aur kayi logo se suna hai ki ye sab jhooth hota hai, kabhi kisi ko Internet se paise nahi milte hai. Kya sach hai kya jhooth hai?

 
Kya mujhe bhi Internet se paise kamane ke liye try karna chahiye?
Agar maine online paise kamana shuru kar diya to kya mere sath bhi scam ho sakta hai? Mai kaise shururat karu?
Mujhe paisa kamana hai
Mujhe Bina Invest kiye paise kamana hai.
Kuhh log ye bhi bolte hai ki Internet se kamane ke liye koi bhi MLM company join kar lo fir usko Internet pe promote kar ke logo ko jodo fir waha se ommission aata hai.
 
Kya ye sahi hai? Kya internet se paise kamane ka koi aur tarika nahi hai?
Typing jobs ya ghar par beth kar kamane wale baaton me kitni sachai hai? Kya mujhe bhi try karna chahiye?
 
Maine try bhi kiya tha lekin koi fayda nahi hua ulta mera loss hi ho gaya?

 

Maine aaj tak bahut saare paise lost kar liye hai Online paise kamane ke chakkar me, mujhe lagta hai ye sab fake hot hai, Internet se paise kamana Asaan nahi hai…! Kya ye baat sahi hai?
 
Apke Sawaalon ke Jawab
Jo bhi upar questions puchhe gaye hai, jo bhi baaten batayi gayi hai na to wo puri tarah se galat hai na hi wo baate puri tarah se theek hai.
Log aksar hi, khas kar ke Indian me jab bhi koi online apna business ya koi kaam karne ki sochta hai to uske dimagme upar likhi baate hi saamne aati hai. Kyo ki aaj kal online ka environment hi aisa ban chuka hai ki logo ke liye kisi bhi aadmi ya company ki baato pe vishwash karna bahut mushkil ho gaya hai.
Ho bhi kyo na, Online logo ke liye Scam karna, dusro ke paise ke sath cheat karna bahut asaan ho gaya hai.
Pehle kuchh web pages aur blogs ki madad se unko badi badi income dikhayi hai, bade bade sapne dikhaye jaate hai, fir unko sach karne ke liye ek Fees mangi jaati hai aur jo aadmo naya naya un chijo ko padhta hai uske liye maano to jaise bhagwan khud aa gaye ho uske sapno ko poora karne ke liye.
Uske baad hota kya hai… Bas scam aur loss tab wahi log apne bhagwan aur kismat ko koste hai. Unke sapne toot jaate hai aur agli baar jab koi online opportunity dekhte hai to unko lagat hai ye sab fake hota hai lekin agar aisa soch rahe hai ki sab fake hota hai to…
 
Aap 100% Galat ho.
Sabse pehla aap apne aap se sawaal puchhe jo apka loss hua uska jimmedar hai kaun?
 
Kya sach me wahi jimmedar hai jisne apko jhoothe sapne dikhaye?
Kya apko nahi lagta jitni galti uski thi jhooth dikhane me utni hi galti thi bina soche samjhe uski baato me aane ki?
Agar mai apko bolu mujhe aaj 500 rupaye do kal se mai apko 200 rupaye roj dunga 30 dino tak.
To…
Kuchh readers yaha mere kehne ka matlab to smajh hi chuke honge.
Agar mai aisa blota hu to 100 me se 70 log excited ho jayenge aur 50 log to aise honge ko bina soche samjhe meri baato me aakar paise de bhi denge.
Usi me se 20 aise honge jo sochenge ki yaar kya aisa ho sakta hai? Kya pata shayd ho hi sakta ho?
Chalo try kar lete hai kya hai sirf 500 rupye ki hi to baat hai? Magar paisa ye bhi dete hai lekin thoda sochne ke baad.
Aur jo 30 log bache hai unko ye saari baate pta hoti hai kyo ki wo en 70 logo ka hissa pehle ban chuke hote hai.
Umeed karta hu aap log meri baat ko smajh gaye honge.
 
Jara sochiye…!
Agar mere paas itni cabability sach me hoti ki mai 500 lekar aapko agar 200 daily 30 din tak yani ki 6000 ek mahine me de saku tu mujhe aapse 500 mangne ki jarurat hi kyo padti.
Abhi yaha ek aur baat clear karte chalu, kuchh bhai log bilkul naye hai es field me ho sakta hai shayad wo koi aisi hi bilkul nayi company ko join kiya ho aur unko ek do din se paise mil bhi rahe ho…
To suniye hoga kya apne kam lagaye honge to apko do din se aa raha hai to aap use se bhi jyada invest karoge fir us se bhi jayada aur last me kuchh jada hi invest karoge aur hoga kya wahi jo upar ki baate likhi gayi hai.
Ab aap soch rahe honge ki chalo man liya fake hote hai lekin 2-3 din, 2-3 mahine bhi agar company ne diya to wo kaha se diya.
 
Eska jawab bahut simple hai, jisko aksar hindi me bola jata hai… “ISKI TOPI USKE SIR”
Ji haa, aap hi logo ka paisa ek doosre me ghumaya jata hai, lekin kab tak jab tak company ko aap jaise hi aur log milte rehte hai aur jab log paise dena band kar dete hai to apko profit milna bhi band ho jata hai.
 
Example,
Apne 500 diya aaj aur agle din apko 200 aa bh gaye. Ab hoga kya ki aap ye baat bina kisi ko bataye rahoge hi nahi, apni family ko bataoge, apne dosto ko bataoge aur apne relatives ko bhi.
Maan lo unme se 10 logo ne aur 500-500 laga diye. Company ke paas kitna paisa ho gaya 5,000 rupye ab apko 200 agle 4-5 din tak dene me unhe koi problem nahi aur baki jo 10 hai unko bhi milta rahega kyo ki wo 10 se 100 aur 100 se hazaar kab ho jayenge apko pata hi nahi chalega aur compnay paas es tarah lakho rupaye ho jate hai. Jab company dete dete sochti hai ki ab paisa jade jaa rha hai to hota kya hai company poora ka poora paise le kar band ho jati hai.
Logo ko bol diya jaata hai site pe kaam chal raha hai, site crash ho gyi, data khatam ho gya uske baad company ka koi ata pta hi nahi chalta hai bechare logo ka nuksaan hota hai.
Esme over 90% logo ka nuksaan hi hota hai. Agar aap soch rahe hai ki jo pehle aate hai wo kama lete hai lekin aisa bhi nahi hai. Insaani fitrat aisi hoti hai ki kahi se kuchh profit mile to sochte hai ki unko aur jada mile ya ek hi din me mil jaye aur aisa sich kar wo aur bhi jayada paise laga chuke hote hai jo ki unko wapis nahi milta hai.
Itna hi nahi logo ko jodne ke liye companies ne referral programs bhi rakhe hote hai jo koi bhi naye members ko jodega use extra profit aur commission milge.
Dosto, ye sab padh kar mujhe lagta hai aap log bahut negative ho gaye honge. Lekin yaha se sab batane ka mere maksad apko negative karne ka nahi tha balki mai aap sab logo ko dikhana chahta tha ki asal me hota kya hai? Log Internet se paise kamane me darte kyo hao?
Kyo ki kisi ko bhi Internet se paise kamane ki sahi knowledge hai hi nahi. Aap jise online paise kamana bolte ho wo to bas ek company hai jisme aap ne paise lagaye logo ka lagwaya aur sab loss ho gaya.
Online ke naam pe bas apko ek Id password milta hai formality ke liye. Use login kar lene se apko ya company ko koi profit nahi milta hai.
Aaj ke time me yahi sab chije naye naye name aur naye naye roop me ho rahe hai jaise ki Ad buy karo, share buy karo, lekin ye sab same wahi hai aap apne paise de rahe ho lekin yaha apko share aur Ad pack ke name pe thaga ja rha hai.
Lekin sabse badi sachai ye hai ki haa, Ham Internet se paise kama sakte hai.
Lekin mai challenge ke sath keh sakta hu ki agar aap bhi upar likhi baate bolne walo me se hai to aap bhi kabhi Internet se paise kamane ke sahi tariko tak pahuch hi nahi paye hai.
Sirf Google me paise kaise kamaye search kar lene se, ek do articles ko follow up kar lene se koi internet se paise nahi kama sakte hai.
Mostly jab koi google me ye sab seacrh karta hai to mistly jo results aate hai first page pe wo fake hi hote hai.
Aur log unhi ke pichhe bhagte hai aur apna paisa gawa lete hai. First page pe jo results aate hai unme mostly yahi hote hai ki SMS bhej kar paise kamaye, ghar bethe paise kamaye, paisa kamao without investment aur bhi bahut kuchh.
 
Lekin dosto wo sab jhooth hota hai.
Apko aise articles PaisaKamaye.In blog pe bhi milenge lekin un sabse alag hoga, kahii pe bhi apko unke jaisa nahi bola jayega.
Agar aap sach me Internet se paise kamana chahte hai to Es blog ko follow kare, apko hamesh sahi guidance milega.
 
Internet se Paise kaise kamaye?
Internet se paise kamane ke tariko ke upar mai es blog pe kuchh articles likh chuka hu, aap unko follow kar sakte hai.
 
Kuch important articles ke links niche de raha hu.
 
Final Words:
Dosto, mere ye sab likhne ka fayda tabhi ho payega jab ap logo ka support milega, aap apni queries puchhenge, apne doubts aur problems share karenge. To apko koi bhi doubt ho ya koi bhi sawaal ho niche comment box me daalna na bhule mai apki apni taraf se poori help karunga.

Comments

  1. says

    Bola gya tha Ki 2000 rs ka commitment kro aur apka 2000 rs. 20 din me daily income se wapas Ho jayega . But mujhe 20 din k bad me site se withdraw Kr rha Hu to withdraw hi nhi Ho rha hai please sir help kro meri

    • says

      Esme ab apki koi help nahi kar sakta hai. Ab ye depend krta hai jo paisa lene ka link apke paas aa rha hao wo dega ki nahi. Agar deta hai to apko milega agar nahideta hai to apko nahi milega. Aksar aisi companies se starting ke days me achha paisa nikalta hai aur jo baad me aate hai unko loss hi hota hai. So, es se achha aap in sab chijo se nikal kar kisi achhes income source ke sath jude. Es blog pe apko bahut sari opportunities milengi.

Leave a Reply

Your email address will not be published. Required fields are marked *