5 Dhan Prapti Mantra – Ab Income Hogi Double

dhan prapti mantra

Ham es blog pe hamesha Internet se Kamane ke bare me post padhte hai aur apne dhan ko kaise badhaye sikhte hai. Aaj ham es post me dhan prapti mantra sikhenge. Ye post baki posts se kuchh alag hoga kyu ki esme ham koi step by step guide nahi likhne ja rahe lekin es post me ham moral values pe baat karenge.

Is post me likhe jane wale dhan prapti mantra kisi granth me se nahi liye gaye na hi kisi pandit ki help se likhe gaye hai. Ye aise mantra hai jinko yadi ham daily dohraye to ham bahut jaldi hi apni manzil ko paa sakenge aur achhi khasi income kama sakenge.

Kuchh log Dhan prapti ke upay dhundte rehte hai aur wo esi kaam me pandit ke paas jate hai bade bade hawan karwate hai, lekin milta kuchh nahi hai. Aise hawan aur bhagwan ka naam bhi tabhi kaam me aata hai jab aap karm karte ho.

Agar sirf kisi sadhu sant ka name lene se ya hawan karwane se hi logo ke paas paise aane shurur ho jaye to shayad es duniya me koi kaam hi na kare aur aisa hota to ye duniya kab ki khatam ho chuki hoti. Life ki sachai sirf itni hai ki, hame mantra ki jarurat to hai lekin wo mantra aise ho jo hamare manobal ko badhaye, hamari soch ko badhaye, hamare atamvishwas ko badhaye, hame shakti de, hame hosla de ke… na ki aise mantra jinko padhne ke baad ham ko unka meaning tak bhi na pata ho yaha tak ki ham kuchh words ko sahi se bol bhi na pa rahe ho.

Ye sab India me aam baat hai. In sab chijo ke business karna aur logo se aastha ke name pe paise thagna aam baat hai. India me mano to logon ko bhagwan ne nahi, logon ne khud bhagwan ko banaya hai. Kuchh log apne aap ko bhagwan tak hone ka dawa karte hai aur logon ki takleef dur karne ki fees lete hai.

Kya jab apka janam hua aur bhagwan ne apko banaya to bhagwan ne apse fees mangi thi? Ab ye mat bolna ki mujhe bhagwan ne nahi mere maata pita ne banaya hai. Aur ham log maata pita ko bhi bhagwana ka darja to dete hi hai to kya kabhi aisa hua ki apke maata pita ne apko janam dene ki fees mangi ho apse?

Agar mangi hai to aap mujhe bataye, mai es post ko delete kar dunga. Khair es topic pe deep me na jate huye ham apne main point pe aate hai aur dhan prapti ke wo point discuss karte jiske liye hamne es post ko compose kiya hai.

 

To ye rahe dhan prapti ke 5 achook mantra:

1. Khud me vishwas rakhe

Dhan ya paisa to kamana chahte hai lekin apne aap par hi vishwas nahi to kaise kama payenge? Jab kabhi ham bada sochte hai to ham darr jate hai ki ye kuchh jade ho gya mai itna kaise kama paunga, nahi nahi bhagwan mujhe thoda kam hi de do lekin mujhe de do.

Agar aisa hi hota to shayad aaj ambani family, ambaani na ho kar petrol pump pe job karne wali hi hoti. To sabse pehle apne aap pe vushwas karna sikhe, jo aap chahte ho pehle use apko apni soch me lana hoga.

 

2. Soch Achhi rakhe

Soch achhi rakhe

Aaj bhale hi aapke paas jade dhan nahi hai lekin apke dimag me kuchh khyal hai ki agar mere paas paise aa jaye to mai ye karung to mai wo karunga. Dhyan rahe, agar apke ye khyal achhe hai to apke paas dhan ayega agar paise aane ke baad ke khyal bure hai to apke paas dhan nahi hai. Aisa kudrat ka niyam hai.

Agar aap aisa sochte hai ki mai paisa aane ke baad kisi se badla le sakunga, kisi ko neecha dikha sakunga, kisi ke sath dur-vivhar kar sakung to ye sab sochna chhod de ya fir dhan prapti ka khyal chhod de kyo ki dono me se ayega koi ek hi.

3. Manzil nirdharit kare

Apko kitna dhan chahiye apko pehle ye decide karna hoga tabhi ja kar aap plan kar paoge ki apko aage kya karna hai. Bina manzil ke aap kuchh hasil nahi kar sakte.

Apko breakfast khane se pehle apko pta hota hai ki apko breakfast khana tabhi aap kha pate ho.

4. Plans banaye

Kuchh bhi karne ke liye plans ka hona jaruri hai. Agar aap hawan hi karwa rahe ho to wo bhi aap bina plan ke nahi kar sakte. Apko plan karna padta hai ye kaise, kab aur kaha hoga. Theek aise hi dhan prapti ke liye apko plans banane padenge ki apke paas kya kya hai aur aap kese apni manzil ko paa sakoge.

5. Bada Soche aur achhe ki advice le

Aksar jab koi badi baat bolta hai ya sochta hai to use ye bolkar chup kara diya jata hai ki, “Chadar dekh kar pais pasarne chahiye”.

Agar ek clerk apne bache ko apne hi level ka kaam sihkaye aur bole ki dekh beta maine padhayi ki, mehnat kiya aur clerk ban gya, tu bhi aisa karega to tu bhi clerk ban jayega. Agar aap bhi aisa kar rahe hai to aap apne bacho ki soch ko chhoti kar rahe hai aur unhe galat sikha rahe hai. Wo bacha jiske dimag me apne sirf clerk banne ka sapna hi daala wo koi officer kaha se ban jayega.

Usi situation me agar aap apne bache se aisa bole;

“Dekh bete maine padhayi ki, mehnat kiya aur clerk ban gya, lekin tu aur achhi padhayi kar, tu aur jade mehnat kar, agar mai clerk ban sakta hu to tu to mera beta hai tu to Manager ban sakta hai”.

Aisa bole to apke bache ko ek nayi aur badi umeed milti hai use ek vishwas milta hai. Baaki aap khud smajh gaye honge.

Ab baat karunga advice ki, Aksar kya hota hai jab bhi ham koi bada business shuru karne ki sochte hai to ham logon se salah lete hai aur wo log hame negative karte hai darate hai ki bhai aise mat karo agar business na chala to barbaad ho jaoge, aisa mat karna jo hai us se bhi jaoge. Aur ham business ka khyal dimag se nikal dete hai.

Esme galti kiski hai?

Agar apko kharidna hai 1.5 lakh ka bullet bike aur aap salah lene chale gaye ek Cycle lene wale ke paas to wo apko kya salah de sakta hai. Wo to yahi bolega na,

 

“Are bhai kya bullet ke chakar me pade ho, bekar ka kharcha hai, jhanjhat hai, ye to wo, tum aisa kyo nahi karte bullet chhod kar kisi achhi si company ki cycle hi le lo, kharcha bhi bachega aur sehat bhi theek rahegi.”

Agar aap bullet kharidne ke liye salah lene ke liye ek Car wale aadmi ke paas jate ho to wo apko kuchh aisi salah dega,

“Kya bhai jab tu 1.5 lakh bullet pe laga hi raha hai to thoda aur dal ke koi car hi le chahe chhoti le lekin car hi le le.”

Es example se mai sirf yahi clear karna chahta tha ki aap jaise ke paas jaoge waha se apko vesi hi salaah milegi. agar kuchh bada karna hai to us aadmi se salaah lo jisne bada kaam kr liya ho na ki us se jo khud apki soch se kahi kam hai.

Aur ye baat ye rakhna,  “SABSE BADA YE ROG, KYA KAHENGE LOG

 

To ye the hamare aaj ke 5 dhan prapti mantra. Kaise lage comment karke jarur bataye aur agar pasand aye ho to apne dosto ke sath jarur share kare. Share karne ke liye niche social sharing buttons diye gaye hai jinko aap use krke es post ko apne dosto ke sath share kar sakte.

Fir milenge jaldi hi ek aise hi post ke sath!

Ye bhi padhe,

Google Se Paise Kaise Kamaye ; $500/Month [Steb by Step Guide in Hindi]

Facebook Se Paise Kaise Kamaye: 100 ; 200$ Har Mahine (Hindi ME Sikhe)

Flipkart se Paise Kaise Kamaye? Janiye Hindi ME!

Amazon Se Har Mahine 10,000 kaise Kamaye-

Leave a Reply

Your email address will not be published. Required fields are marked *